வவுனியாவில் தம்பதிகள் வெட்டிக்கொலை
வவுனியா, செட்டிகுளம் பகுதியில் வயதான கணவனும், மனைவியும் வெட்டி படுகொலை செய்யப்பட்ட நிலையில் சடலங்களாக மீட்கப்பட்டுள்ளனர்.
குறித்த சம்பவம் செட்டிகுளம் நகரப்பகுதியில் இன்று (30) அதிகாலை இடம்பெற்றுள்ளதாக செட்டிகுளம் பொலிஸார் தெரிவித்துள்ளனர்.
சம்பவத்தில் செட்டிகுளம் பகுதியை சேர்ந்த பசுபதிவர்ணகுலசிங்கம் (வயது 72) என்ற முதியவரும், அவரது மனைவியான கனகலட்சுமி (வயது 68)என்பவருமே உயிரிழந்துள்ளனர்.
அவர்களது சடலத்துக்கு அருகில் கூறிய ஆயுதங்களும் மீட்கப்பட்டுள்ள நிலையில், அவர்கள் வெட்டிக் கொலை செய்யப்பட்டிருக்கலாம் என பொலிஸார் சந்தேகம் வெளியிட்டுள்ளனர்.
இதேவேளை, இந்த சம்பவத்தில் 5 பவுண் பெறுமதியான தங்க நகை ஒன்றும் காணாமல் போயுள்ளதாக தெரிவித்த பொலிஸார், மேலதிக விசாரணைகளை மேற்கொண்டு வருகின்றனர்.
Post a Comment